「數碼暴龍機」20 週年又追加 5 大新版 初代3款 D-3 2款

幾個月前 Bandai 已經公佈會推出 20 週年版「數碼暴龍機」。忠實重現當年初代的設計同畫面，更加包括第一至第五代全部怪獸，足足有 134 隻。對當年沈迷暴龍機的玩家黎講吸引度超高！依家 Bandai 再揭曉 5 個新版本：



首先係 3 部 20 週年版暴龍機的新色，包括「阿爾法獸」「茲巴獸」「奧米迦獸」。詳情會喺 6 月下旬公開，售價為 3,780 円。另外兩部就係 1.5 代新版本，包括「鋼鐵加魯魯獸」同「戰鬥暴龍獸」，分別有「友情紋章」同「勇氣紋章」。詳情 5 月下旬公佈，售價為 9,990 円。



20 週年暴龍機除左收集怪獸量豐富，亦有新玩法。例如首次可以同時養兩隻怪獸，對戰時可以兩隻組隊一同出陣。成長速度比以前大增：1997 年版本大約 6 日變完全體，現在只需 36 小時。對戰時操控度更高，可以透過按鈕來決定攻擊力量。對應當年的所有舊機，以及較新的 Ver. 15 及 D-3。