『限時限量免費』打劫遊戲名作《 Payday 2》 開放下載！

Payday 2 雖然已經係幾年前推出的遊戲，但如果未玩過依然好值得一試，尤其喺唔洗錢嘅情況下！

今日任何 Steam 用戶都可以免費得到正版 Payday 2，只要去 Steam 官網就可以免費下載 。如果下載數量達到 500 萬，或者到 6 月 21 日就會停止免費送。更好的是只要擁有 Payday 2，黎緊就可以免費取得 VR 新作 - Payday VR！

Payday 2 係一隻幾特別嘅遊戲，你喺入面係做大盜，專做「江湖大買賣」。例如打劫銀行或者去守衛深嚴嘅地方偷走極貴重物品，過程唔係單單射擊，而係做齊每一步。由一開始計劃要潛入定強行突入；控制人群及突破夾萬防護，到警察殺到果陣要如何應付。重點係多人遊戲，幾個人一齊即時通話，即時應對突發情況確係幾緊張～

Steam 官網：http://store.steampowered.com/app/218620/PAYDAY_2/